Ողջույն Հյուր
Գլխավոր էջ | Գրանցում | ՄուտքУмный любит учиться, а дурак - учить. А.П.Чехов
| Գլխավոր էջ » Հայտարարությունների մաս » Հայտարարություններ |
ՀԱՐԳԱՐԺԱՆ ՌԵՎՄԱՏՈԼՈԳ ՊՐՈՖ. ԱՅՄԱՆ ՄՈՖԹԻՆ ՏՊԱՎՈՐՎԱԾ Է ԻՐ ԱՌԱՋԻՆ ՀԱՅԱՍՏԱՆՅԱՆ ԱՅՑՈՎ
| Առաջակ | | 28.09.2013, 00:38 |
  Վլ. Ավագյանի անվ. բժշկական կենտրոնը շարունակում է արդեն ավանդույթ դարձած համագործակցությունների շարքը իրենց մասնագիտության մեջ մեծ ճանաչում ունեցող արտասահմանցի բժիշկների հետ: 24.09.2013-27.09.2013թ. առաջին անգամ Հայաստանում էր գտնվում Քլիվլենդի (Օհայո, ԱՄՆ) և Ջորջթաունի (Վաշինգտոն, ԱՄՆ) համալսարանների շրջանավարտ, Ջեքսոնվիլի (Ֆլորիդա , ԱՄՆ) համալսարանի պրոֆեսոր Այման Մոֆթին: Պրոֆ. Մոֆթին երկար տարիներ զբաղվել է ռևմատոլոգիական հիվանդությունների բուժմամբ, ղեկավարել է բազում գիտական և ուսումնական ծրագրեր ռևմատոլոգիայի բնագավառում ԱՄՆ տարբեր հայտնի կլինիկաներում, անդամակցել է և ղեկավար պաշտոններ է զբաղեցրել ռևմատոլոգիական ասոցիացիաներում: Հետագայում մասնագիտական գործունեություն է ծավալել նաև Արաբական Միացյալ Էմիրություններում (ԱՄԻ) և Սիրիայում: Հիմնադրել և երկար տարիներ ղեկավարել է Էմիրաթների ռևմատոլոգների ակումբը, 2010թ.-ից հիմնադրել և մինչ այժմ ղեկավարում է Արթրիտների և ոսկրերի Ալ Բիրաա կլինիկան (ԱՄԷ, Դուբայ): Բազմաթիվ դասախոսությունների, գիտական աշխատանքների և հրատարակումների հեղինակ է: Պրոֆ. Մոֆթին իր այցի շրջանակներում, Վլ. Ավագյանի անվ. ԲԿ-ում, ընդունեց ռևմատոլոգիական հիվանդություններով տառապող մի շարք հիվանդների, կատարվեց խորհրդատվություն, նշանակվեցին բուժումներ, անհրաժեշտության դեպքում կատարվեցին ներհոդային ներարկումներ, պունկցիաներ, փափուկ հյուսվածքների, մկանների թիրախ կետերի, ջլերի ներարկումներ և այլն: Պարոն Մոֆթին տպավորված էր Հայաստանով, հայկական հյուրընկալությամբ, ավանդույթներով, հայկական խոհանոցով, գեղատեսիլ բնությամբ, ինչպես նաև հայ բժիշկների բարձր մասնագիտական և մարդկային ունակություններով: Հրաժեշտի պահին պրոֆեսորը նշեց, որ անհամբերությամբ կսպասի Հայաստանյան իր մյուս այցելությանը: Պրոֆ. Մոֆթիի այցելությունները և նրա հսկողության տակ գտնվող հիվանդների բուժումները կրելու են շարունակական բնույթ: Մեծանուն ռևմատոլոգի հաջորդ այցը պլանավորվում է 2013թ.-ի նոյեմբեր ամսին, հիվանդների ընդունելությունը կատարվելու է պարտադիր նախնական հերթագրմամբ: Մանրամասն տեղեկությունների և պրոֆ. Մոֆթիի խորհրդատվություններին գրանցվելու համար կարող եք զանգահարել 091-15-83-43 հեռախոսահամարով, կամ գրել tigka@mail.ru էլ. հասցեով: | |
| Դիտումներ: 914 | Տեղադրված է մինչև: 31.10.2013 | - Վարկանիշ -: 0.0/0 | |
| Մեկնաբանություններն ընդամենը՝: 0 | |
Մեր հարցումը
Կայքի գործընկերները
Վիճակագրություն
Ընդամենը ակտիվ. 1
Հյուրեր. 1
Անդամներ. 0
Որոնել
Որոնել
Որոնել
| Copyright MyCorp © 2024 |
 |